Re7let 3aZab…ٌ admin June 20, 2008 WorDs 4 Comments السلام عليكم ورحمة الله وبركاته ورجعنا تاني … بحمد الله … الى النت والكمبيوتر بعد رحلة تصليح ” لجهازي او لبوردتي بمعنى اصح ” استمرت حوالي شهر او شهر ونص يااااااااااااه مش قادر اوصفلكم كمية الاحباط اللي جابهالي الجهاز ده انا كنت خلاص فقدت الامل انه يتصلح انا روحت بالبوردة دي 3 محافظات تخيلوا بقى ….. عندنا هنا اخدت الكيسة كلها وروحت بيها للي يعرف واللي ميعرفش في الصيانة ومحدش عرف يعمل فيها حاجة ….. اروح بالبوردة المنصورة … يقولولي دي سليمة … ارجع البيت يروح الجهاز مشتغل شوية وبعدين يفصل خالص طب يا جدعان حد يفهمني مش بتشتغل في البيت ليه ….. قولت … اروح بيها اسكندرية … الراجل بعد ما قعدت عندهم 5 ايام … اروح الاقيه يقولي البوردة بتاعتك سليمة ومفيهاش اي حاجة اقوله …. وربنا مهي شغالة …. وربنا بتفصل عندي …. يقولي يا عم مهي شغالة قدامك اهي وقالي لو مشتغلتش عندك هاتلي الكيسة كلها … طبعا علشان اسافر بالكيسة دي عمرها ما تحصل دا انا اولع فيها ولا اسافر بيها … روحت راجع بيها البيت وشغلتها … برضه شوية وراحت فاصلة تاني … قولت اسيبها يومين ترتاح او يمكن السفر متعب عليها بعد يومين فكيتها ونضفتها كده وبراحة وبشويش وركبتها … وغنيتلها اطبطب وادلع … وسميت وشغلتها واخــــــيـــــــــــــــــــــــــــــــراااااااااااا الحمد لله … اشتغلت … وفضلت شغالة الحمد لله وبعديها بيومين بعت السي دي روم بتاعي و جبت دي في دي ريتر وقولت اسطب الابنتو 8 والحمد لله اتسطبت وشغلت ال compiz حاجة فل يعني والعملية بقت جيلي وكريم كراميل …… هههههههههههههههه ….. سلاااااااااام بقى احسن انا جوعت ……. وصية قبل ما امشي يا جماعة علشان خاطري ادعوا للبوردة بتاعتي ان ربنا يهديها وتفضل حلوة كده علطوووووول ……. …. . سلاااااااااااام 🙂 Related Postsانترنت بلا فتنةIslamic SongsTamazok-fe-El-Arbetaحاسس اني … رايح الجيش !!مبدأ ودعاء وحديث .. تفاءل2012 Wish List Share this:TwitterFacebookTumblr comments
ربنا يهديلك البوردة دي يابني
انا عارف انت تعبت معاها اد اية
و ان شاءالله تعيش كمان 19 سنة
“كل سنة و انت طيب”
كنت فاكرني هنسى …….هههههههههه
ياااااااااااارب يهديها يااااااارب
اه صحيح …. منت كنت معايا يوميها
هههههههههههههههههههههههه
يومها روحنا الشركة وبرضه روحنا ستانلي … هههههههه … احم احم
يا راجل 19 سنة … طب قول يارب انا استحملها 19 يوم كمان
وانت طيب يا جميل
عقبالك اما تكمل 19 انت كمان
هههههههههه الموضوع ده فكرنى بالجهاز بتاعى اول مغيرته
كان الجهاز يشتغل فى الشركه واول مايدخل اوضتى يقف
كان قهرنى بجد ,بس الحمد لله لما غيرت الاوضه
قصدى لما غيرت الرامه الجهاز اشتغل
ربنا مع بوردتك وتفضل شغاله ان شاء الله على طول
“angle”
يعني قصدك اغير الاوضة .. احم .. اغير الرامة ؟؟؟ … طب يا تري هجيب نتيجة معاه ولا ايه ؟؟؟
اصله رجع تاني وباااااظ
ربنا يصبرني … يااااااارب