السلام عليكم ورحمة الله وبركاته
ازيكم يا بشر
هنتكلم النهاردة عن شوية مواضيع كده بس في ايجاز بسيط جدااا … ان شاء الله
علشان انا عارف الناس مخنوقة وزهقانة وطالع عينهم
من الاسبوع اللي فات ده
مـــا علـــينــا بقى
وزي ما بيقولوا … اللي فـــــات خلاص مــــــات
…..
…..*…..*……*……
ندخل بقى في مواضيعنا
….
اولا : احب اهنئ كل طلبة كليتنا المبجلة ” كلية الحاسبات “ … بمناسبة انتهاء الاسبوع العالمي لامتحانات الميدتيرم
وكل تيرم واحنا طالع عينا و متبهدلين
وكل تيرم والدكاترة لينا نافخين .. والمعيدين علينا ضاحكين
وطلبة الكليات الاخرى علينا مشفقين
والاهل والاقارب بينا مش حاسيين
وربنا معانا يااارب
،،، ويجعله عـــامــر ،،،
…..
وكل عام وانتم بخير
…..*…..*…..*…..*…..
…
ثانيا : كل سنة وانتوا طيبين … برضه
بس المرة دي مش علشان حاسبات
لالالالا
المرة دي بقى … كل سنة والامة الاسلامية كلها بخير بمناسبة بداية شهر ذو الحجة
ويوم السبت 29 – 11 – 2008 ان شاء الله هيبقى بداية شهر ذو الحجة
ويوم الاحد 7 – 12 – 2008 هيبقى يوم عرفه ان شاء الله
الرؤية من دار الافتاء المصرية
عايزين الناس كلها تصوم من يوم السبت بإذن الله
لان الايام دي من اعظم الايام عند الله
…..
….
ياريت يا جماعة محدش يكسل ويقول : انا هصوم يوم عرفة بس
لا عايزين الناس تصوم على قد ما تقدر ومحدش يقول كلمة ” مش هقدر “ دي … ماشي
يالا … عايزين في التسع ايام دووول نعمل ريفريش لنفسنا كده
و نفتكر الايام العشر الاواخر من رمضان ونفتكر كنا بنعمل ايه فيهم
دلوقتي … دي فرصة … الايام دي من اعظم الايام عند الله
يالا … كلنا نستغل فرضة اننا خلصنا امتحانات وفاضيين بقى
وان شاء الله كلنا نصوم … وياريت نفكر الناس برضه
ومننساش كمان اهلنا في البيت .. كله يصوم ان شاء الله
يالا … كفاية عليكم كده
اشوفكم بخير في البوستاية الجاية … ان شاء الله
سلااااام
كل سنه وحضرتك طيب
وشكراا علي التذكره بالصيام 🙂
كل سنه وحضرتك طيب يا بشمهندس
وان شاءالله نصوم وندعي وربنا يتقبل منا يارب
وشكرا علي التذكره
سلام
كل سنة وحضرتك طيب
والحمد لله أن الأسبوع عدي وطلعنا منه قطعة واحدة
“وكل تيرم واحنا طالع عينا و متبهدلين
وكل تيرم والدكاترة لينا نافخين .. والمعيدين علينا ضاحكين
وطلبة الكليات الاخرى علينا مشفقين
والاهل والاقارب بينا مش حاسيين”
وحلوة حته الشعر دي حاسبات دايما بتطلع مواهب
وربنا يقدرنا ونصوم
وسلام بقي
“sandy”
وحضرتك طيبة
شكرا لمرورك
🙂
“yasmin”
وحضرتك طيبة .. واهم حاجة فعلا الدعاء ودي نسيت اقولها
عموما دعواتكم ليا بقى
🙂
شكرا لمرورك
“my fate”
وحضرتك طيبة … طبعا اكيد بتطلع مواهب مش حاسبات
يعني تخيييييل
😀
والله البلوج منور بردودك
والف شكر على مرورك
🙂
وانت طيب 🙂
كل سنة وانت طيب يا صاحبي 🙂
و ربنا يعينا على الصيام ان شاء الله
كل سنه وانت طيب يا اسلام ياسووويتي وربنا يتقبل منا جميعا
ان شاء الله 😀
كل سنة وانت طيب يا عم
الظاهر الامتحانات دي عملالكم مشكلة
😀
المهم ما علينا
كله بيطلع في الغسيل
وبارك الله فيك على التهنئة والتذكرة
تحيتي 🙂
“Hunikal”
ماشي يا جميل
🙂
“BooDy”
وانت طيب يا جميل
وبإذن الله نصوم كلنا
🙂
“Ahmed Samir”
وانت طيب يا احمد يا سوو سوويتي
😀
“Teva”
اه والله كانت عاملة مشاكل كتير بس الحمد لله انها عدت
و على رايك كله بيطلع في الغسيل
😀
نورت البلوج
🙂
كل سنه ونته طيب يا اسلام
“ahmed sultan”
وانت طيب يا احمد يا حبيبي
منور البلوج يا عسل
🙂