السلام عليكم ورحمة الله وبركاته
طبعا زي ما انتوا شايفين في العنوان كده
ايون .. ايون .. هو انا
جالي تمزق في الاربطة
بس المرة دي مش زي المرة اللي فاتت … المرة اللي فاتت كانت شرخ في عظمة الثالوث بالقدم اليمنى
محدش يسألني يعني ايه لاني معرفش .. هما قالولي كده
…..*…..*…..*…..
انا هحاول افتكر اللي حصلي امبارح بقى
وحاولوا تصبروا بقى
خير اللهم اجعله خير امبارح رايح تمرين الطايرة .. وسبحان الله طالع بدري رايح حوالي 7 الا ربع ..(ونادرا ده كان بيحصل يعني) .. بس المزاج مكنش حلو .. فقولت اطلع اخدها تمشيه كده براحة واهو اضيع وقت
ايه اللي حصل بقى ؟؟
بدأنا التمرين كالعادة .. و جرينا ونطينا واتمرمطنا .. كله ده عادي .. داخلين على دوري بقى
الكابتن عملنا تقسيمه .. وبدأنا ولعبنا .. بس مكانش فيها روح كده … فصفر وقال تعالوا هنا
راح مقسمنا كذا مجموعة كل مجموعة 2 لاعيبة بس ؟؟
وكل مجموعتين هيلاعبوا بعض .. والجيم من 7 نقط …. تمام
فكله وافق طبعا .. لانها هتبقى جامدة .. وهيبقى في جري في الملعب بقى .. وروح بين ال 2 اللي بيلعبوا مع بعض
ملحوظة : ملعب الطايرة لكل فريق 9 * 9 متر
…..
…..
جه دورنا بقى انا وزميلي .. نزلنا الملعب ولعبنا ونقطة ورا نقطة وصلنا لحد النقطة الخامسة لينا والفريق التاني كانوا 3
في النقطة السادسة .. جاي اجيب الكورة روحت ناطط علشان اجيبها
هوب وقعت على الشمال وهوب اتنت تحتي
وهوب سمعت طرقعة …. اخخخخ … اتكسرت …. جاي اقوم اشوف هعرف احركها ولا لا
لقيتها بتتحرك … جاي بدوس عليها … روحت واقع على الارض
طبعا خدوني وقوموني .. والعلاج الطبي نزل … انا بهزر .. العلاج الطبي دوول صحابي اللي معايا في التمرين
اصل كلهم تربية رياضية … وعارفين اصابات الملاعب وكده
شالوني على الاوضة … وميه ساقعة بقى علشان متورمش
روحت طبعا … وانا بموووت .. وطول الليل بصوت من الالم
…..*…..*…..*…..
طلعت النهاردة الصبح على المستشفى
واصعب حاجة تقابل الواحد في الموضوع ده مش المشوار لا … طلوع السلم بتاع بيتنا
كنت بتنطط على رجل واحدة كالعادة .. بس المرة دي كنت بتنطط على اللي كانت مكسورة قبل كده
الحمد لله … روحت وعملت اشعة .. ورجعت للدكتور تاني وقالي مفيش كسر ولا حاجة
فقولت .. الحمد لله .. بس دي وجعاني اوووي يا دكتور
قالي .. مهو تمزق في اربطة عظمة الانكل ناحية وش القدم وعايز راحة اسبوعين وتاخد العلاج ده …… اااااااااااااااااااااه
كانت هذه الجملة بمثل الصدمة التي وقعت على ام راسي … فقولت تااااني .. طيب
طب مش هتحتاج جبس يعني …. قالي .. لا مش محتاجة بس ترتااااااااح
قولتله .. طيب .. الحمد لله
…..*…..*…..*…..
طبعا مع كل كسر … لازم يبقى في ضحايا … ضحايا في 513
وضحايا من بره 513
ولازم الناس دي يتعملها احلى واجب
متقلقوش يا رجالة
ان شاء الله بعيد العيد .. هعملكم احلى حلة …. واااجب
…..*…..*…..*…..
زعلان مني … متدعيش عليا … علشان انا الدعوة بترشق فيا علطوووول
انا معملتش حاجة والله … كل ده كان علشانك انت
….
دعواتكم ليا يا جماعة
سلااااااااااام
يخربببببييييييييييتك!!!!
انت صيييني يابني ولا ايه؟!!!!!!!!!!!!! (على رأي أبو الأسرار)
كل شوية تتكسر أو يحصلك حاجة!!
يابني بطل تنطيط شوية!!
ع العموم أنا قلت أدخل أقولك
ألللللف سلااااااامة يا صاحبي 🙂
وربنا يكون في عونك ان شاء الله
“BooDy”
صيني .. !! .. ماشي يا عبدالله
مهو اللي بنعمله في الناس عيطلع علينا اهو
الله يسلمك يا حبي .. دعواتك ليا بقى
🙂
ههههههههههه
لا باين عليه صينى فعلا وانا بقول اسلام عنيه ضيقه كده ليه
هههههههههه
الف سلامه عليك يا جميل
“DoOkDoOok”
عدولة .. هتقولي صيني برضه .. قابل يا عم عبدالله .. قابل يا عم
بيقولي عينك ضيقة اهو
طب وربنا وربنا كمان مرة .. لنيمك من المغرب يا صين
😆
الله يسلمك يا دولة .. نورت البلوج يا عسل
🙂
ألف سلامة عليك يابشمهندس
والحمد لله إنها جت على أد كده
وربنا يعدى الأسبوعين دول على خير
لا حول ولا قوة الإ بالله
بجد حرام عليك نفسك
مش هأقول اكتر من كده
يا ريت لو سمحت بطل اللعبة دي
الواحد أتخض أصلا من اسم الموضوع
بجد ربنا معاك
ويقويك ويحققلك كل اللى بتحلم بيه (كتعويض يعني على البهدلة دي 🙂 ) ويكرمك دنيا وآخرة
كل دي دعوات أهي
حضرتك افتكر الجمايل دي
سلام بقي
“sara”
الله يسلمك .. والحمد لله على كل شئ
ربنا يعدي الاسبوعين على خير ان شاء الله
شكرا على مرورك
🙂
“my fate”
خلاااااص توبة .. ومش راجع تاني … ان شاء الله
يااااه … كل دي دعوات .. يارب اي واحدة تيجي
متشكر جداا على الدعوات الحلوة دي
كتر خيرك يا رب
🙂
متقلقيش .. فاكر اهو
😀
شكرا على مرورك يا فندم .. منورة والله
🙂
مان ربنا معاك يابني
ركز شويا و بطل تنطيت (الكلام دة من 513 كلها بتسلم عليك ) 😀
بس اهم حاجة تاخد الراحة اللي قالك عليها الدكتور و متئلئش وراك هنا رجالة ,وترجعلنا بـ حله الـ…… اقصد ترجعلنا بالسلامة
🙂
ربنا يتمم شفاك علي خير يا بشمهندس
بس هو حضرتك هي دى عادة ولا صفه مكتسبة:) بتفرق والله
عموما تقوم بسلامة وكويس إن فيه أسبوع أجازة أهو
ربنا معاك
سلام
“Hunikal”
ماشي يا جميل .. ربنا يخليكم ليا
هرجع بالسلامة بس .. ان شاء الله
😀
“key of life”
هيا ولا عادة ولا صفة مكتسبة .. كل الحكاية ان اللي ربنا ” كاتبله ” حاجة بيشوفها
حتى لو كان جسمه كويس .. ومتدرب كويس اوي كمان
…
وخدي بالك حضرتك .. ان في ناس من اللي بتحصلهم اي مشاكل
بياخدوها كانها مصيبة -لا قدر الله- لكن ميعرفوش ان الالام اللي في الدنيا
انما هي لتخفف من عذاب الاخرة
…
وان الرسول عليه الصلاة والسلام قال فيما معناه : عجبا لامر المؤمن ان امره كله خير .. فاذا اصابته سراء فشكر فكان خيرا له .. واذا اصابته ضراء فصبر وشكر فكان خيرا له
انا مش فاكر الحديث بالظبط بس دا معناه يعني
واكيد الحمد لله على كل شئ
..
شكرا على مرورك
……….
الحديث اهو
قال سيدنا محمد -صلى الله عليه وسلم- :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم
يالهووووووووي لا فعلااااا انت سيييني سيييييني يعني 😛
يابني ارحم نفسك شويه هو كل شويه يجيلك شد عضلي كده 😛
سيبك من الطايره وادخل ف كرة الماء اهو تبلبط شويه ف المياه 😛
ههههههههه
يلا ربنا يقومك بالسلامه يا اسلام ياسويتي برضه 😛
وعيد سعيد عليك 😀
اسلام الف سلامة عليك بجد والله انا لسة شايف الموضوع حالا
ان شاء الله خير متقلقش
شد حيلك انت واستريح وان شاء الله هتعدى
واسمع نصيحة ابو الاسرار
ولا اقلك العب بلاى استيشن اهو اضمن بردة
احسن تغرق ولا حاجة
سلام
“Ahmed Samir”
انا مش فاهم بس مين اللي صيني
دا انت اللي زي ما تكون مستورد من بره يا عم احمد
متجيش على صناعة مصري خااالص … بس اما اشوفك بس
😀
كرة ماء .. ههههههه ماشي يا عم:)
شكرا يا حبي .. بس هو العيد بدأ عندكم ولا ايه ؟؟
انا ملاحظ الحكاية دي من بتوع المنصورة بس
طب يا عم .. لو كده يبقى عيد سعيد عليك انت كمان يا حبي
……
“Mohamed Ahmed”
الله يسلمك يا حبي نورت البلوج والله
مهو المشكلة اني جيت اشد حيلي اتمزقت الاربطة
😀
ههههههههههههههههه .. ماشي يا محمد مقبولة منك يا عم
بس خد بالك انت بقى وانت مروح احسن بيقولك البغل هيكسر المحلة
😆
الف شكر على مرورك يا حبي
🙂
يخرب بيييييييييييييييييتك
يا بخت دكاتره العظام بيك
انته اللى مخليهم ياكلوا عيش يا اسلام
انته هتدخل الجنه بسبب دعاويهم ليك…..
“ahmed sultan”
ههههههههههههههههههههه
ماشي يا سلطان .. ماشي يا زعيم العصابة
😆
سلامتك يابطة
والله زعلت
انت كل شوية رجلك تتكسر
بطل شقاوة يابنى
سلامات تانى مرة
الله يسلمك يا عدولة يا حبي
بطلت خلاص يا عم
شكرا على مرورك يا عسل
😀