السلام عليكم ورحمة الله وبركاته
الحمد لله يا جماعة النهاردة وصلت الى ارض الوطن بسلامة الله … ابونتو 8.10
من المملكة المتحدة (انجلترا) … هييييييييه
طبعا .. بعد عناء شديد .. وصبر بالاسابيع .. وتاكسيات ورايح جاي على مكتب البريد
اخيرااا … وصلت النهاردة 30/11/2008 في تمام الساعة الواحدة والنصف ظهرا .. بتوقيت بيتنا
بعد ما جيت من المستشفى بشوية
اهو الواحد طلع عينه برضه .. بس الحمد لله الاسطوانة دي جات فرحت الواحد شوية
الحمد لله وصلت الابنتو .. وانا الان مسطبها عندي وبنزلها البرامج اهو علشان تدلع براحتها بقى
مهي Free بقى
يااااااه يا جدعان … بجد الحاجات الـ فريي ليها طعم تاني برضه
حاجة نضيفة جايالك .. وببلاش .. ومن انجلترا
عايز ايه بقى اكتر من كده
مش احسن من الحاجات التانية اللي تطلعلك مليون ايرور
وتشلك وانت بتسطبها
والله يا جدعان … الابنتو دي حكاية … شوفوا الصورة دي كده
…..
مش بذمتكم جامدة … وانا كمان جامد في التصوير … الصورة دي وانا واقف على رجل واحدة
يالا … اشوفكم بخير في البوستاية الجاية
دعواتكم ليا
سلااام
الله شكل الاسطوانه اتغير كتير عن اللى فاتت 🙂
مبروك يابشمهندس وعقبالى يارب اصل انا حاسه انها اتأخرت المره دى كتير اووووووى
ya man its look different
yalla t3aysh b2a m3aha 😛
salam ya sweety 😀
هههههههههه
لأ تصويرك حلو
أنا عايزة انزل ابونتو بقي قبل ما اموت 🙁
بس أنا خايفة من أخويا ممكن يقتلني ولا حاجة لو عملت أى حاجة غلط
مفيش مساحة ليا ألعب فيها وأبوظ براحتي
مع أني مش عارفة إحتمالات التبويظ قد ايه 🙂
وعلى رأي المثل “رجلك يحصلها حاجة من هنا أسطوانة الأبونتو 8.10 تيجي من هنا :))
حلو المثل ده؟؟
يللا لووووز
افرح بقي شوية وأستغل الفرصة بتاعت الراحة فى المذاكرة 😉
سلام بقي
“angel”
الله يبارك فيكي .. متخافيش الاسطوانة عايزة صبر شويتين
توصل بالسلامة ان شاء الله
شكرا على مرورك
🙂
“Ahmed Samir”
اكيد لازم الواحد يتعايش مع الابونتو
ماشي يا جميل
نورت
😀
“my fate”
ان شاء الله مفيش اي غلط .. الخطوات كلها موجودة ومشروحة بالتفصيل الممل
http://noor-fci.your-talk.com/montada-f53/topic-t3179.htm
وموجود تسطيب الابنتو بالطريقتين .. من على الويندوز .. او البوت العادي من الاسطوانة وفي الحالة دي محتاجة بارتشن فاضي
او مساحة فاضية على الهارد
وتخدي بالك وانتي بتنفذي الخطوات … اقريها كويس
🙂
وممكن تسطبيها على اي بارتشن من بتوع الويندوز وفيه مساحة لا تقل عن 5 جيجا
….
مش فاضل غير انك تجيبي الاسطوانة .. وتسطبيها .. وربنا معاكي
🙂
نعم … لا .. يبقى مش عايز ابونتو خالص
منا بنسخها من صحابي
وربنا يخليلي الريتر
😀
ان شاء الله انا ناوي ازاكر … النية مهمة برضه
😆
شكرا على مرورك
🙂
لألأ
أنا قصدي يعني ربنا عوضك بالأسطوانة
مش معني كده أنك كل ما تعوز أسطوانة يحصلك كده بعد الشر يعني
أنا مش شريرة للدرجة دي يعني 🙁 عامة أنا هأحاول أقتل أخويا
قصدي يعني أقنع اخويا :)) نجرب الأبونتو بس ادعوا يواااافق (رد دعوة من الدعوات القديمة بقي 😉 )
يللا سلاااام
“my fate”
مااااشي
🙂
يا سلام وماله … يااااارب اخوكي يقتنع ويوافق على تسطيب الابونتو
ويشغل الـ
compiz
كمان
اي خدمة
🙂
ألف مبررررروك
يا سلام علي الحاجات الحلوة لما بتحصل بعد الأصابة مباشرة
لأ بس برضو دا مش معناه إنك في الأصدار الجديد تمزق الأربطه عشان مش كل مرة تسلم الجرة
ربنا يهنيك إن شاء بالعيد والاسطوانة
سلام
“key of life”
الله يبارك فيكي يا باشمهندسة
شكرا على مرورك
🙂