السلام عليكم ورحمة الله وبركاته
ازيكم يا بشر
طبعا البوستات قليلة اليومين دوول … امتحانات بقى
ربنا معانا كلنا ان شاء الله
😀
….*….*….
النهاردة بقى انا داخل ارمي كلمتين وماشي علطووول
بس بجد بجد كلمتين من القلب للقلب
النهاردة داخل امتحان شفوي لمادتين ومع بعض
عشر دقايق وخرجت … الحمد لله الدكتور امتحنا وخرجنا بلا اصابات ولا ضحايا
طبعا الناس اللي في الكلية هتفهمني
…..
يا جماعة انا اي اس .. انا فودافون
واللي مش عارف يعني ايه اي اس
Information System
وده احد الاقسام الموجودة عندنا في كلية حاسبات
…..
انا مش داخل اتكلم عني انا داخل اتكلم عن حبايبي الناس بتوع سي اس
Computer Science
الناس دوول عندهم مادة بمادتين ودكتورين
والله مش بهزر
الدكتور الاول دكتور ميه ميه .. بس للاسف حصلت ظروف قهرية خلت الدكتور
ميكملش المادة معاهم .. فجابولهم دكتور تاني دخل وشرح مادة تانية وقالهم دي عليكم
سألوه : طب والاولانية بتاعت الدكتور الاولاني .. قالهم : برضه عليكم
شرح وميه ميه ودخل في المنهج .. لقى الدكتور الاول الاساسي رجع الحمد لله
فقال : خلاص بقى .. رجع الدكتور وكمل المنهج بتاعهم .. مش كده وبس
لا … ولازم يخلص الكتاب كمان
الناس دوول بجد صعبانين عليا جداااا .. مش كفاية اللي هما فيه .. لا يجي عليهم دوول كمان
يعني تلاقي الطلبة في دفعة حاسبات سنة ثالثة منقسمين 3 اقسام
تلاقي ماشي في الكلية 3 انواع
النوع الاول : ماشي وحاطط “الهاند فري” في ودنه وطوول النهار ماشي في الجامعة
رايح جاي .. ومستني محاضرته تبدأ علشان يدخل يريح نفسه من المشي شوية
يا اما متشوفش وشه الا ساعة المحاضرة او السكشن بس
وتلاقيه يكلمك في كل حاجة
كورة ماشي .. طبيخ ماشي .. داتا بيز ماشي .. برمجة مش كله بيفهم برمجة بس ماشي
الازمة الاقتصادية في امريكا .. واحوال البورصة .. دا على حسب اهتماماته يعني
دا بتاع اي اس …. من الاخر فاااااااااضي
….
النوع التاني : تلاقيه ماشي تايه .. مش شايف اللي حوليه .. زهيامر علطوووول
تلاقيه داخل من بوابة الجامعة “نايم” ويصحى وهو في المدرج او في السكشن
تلاقيه كل اسبوع يعمل حاجة غريبة .. يحلق زلبطة .. يخلص بريزون بريك ويتفرج على لوست
يعمل سكور جديد في الفيفا او البرو (سوكر) .. حاجات من دي يعني
تلاقيه في الجامعة علطووول .. تسأله المواد بتاعتك ايه ؟؟ يرد عليك يقولك المواد بتاعت سنة تانية
دا اذا رد عليك اصلا … تلاقيه ماشي مع شلة كده وغالبا بيكونوا مهيسين طوول الوقت
دا نتيجة اللسعان …. اه وتلاقيه شايل كتب علطوووول وممكن تلاقي معاه مراجع عمرك ما شوفتها
ولا عمرك تعرف تشيلها
حياته كلها الجوريزمات
دا بقى بتاع سي اس …… بجد ربنا معاهم
….
النوع التالت بقى : وده نوع فريد جدا واول مرة يظهر في الساحة الحاسوباتية
وده تلاقيه .. سبحان الله شوية تلاقيه قالب على اي اس “فاضي يعني” .. وشوية تلاقيه قلب سي اس
تلاقي دماغه ساعات بتسلع .. وساعات تلاقي دماغه معلية وعامل دماغ حلوة اووووي
برضه ممكن احيانا كتير ممكن تلاقيه فااااضي
بس يعيني عندهم مادتين لدكتورين من بره الكلية .. المادتين دوول مطلعين عينهم
ببساطة لانهم مش عارفين نظام الدكتورين دووول
برضه تلاقيه ضارب السماعات في ودنه .. وعامل دماغ .. او فاتح الاب ” الوكمان ” بتاعه وقاعد بيسمع
برضه برمجة وشبكات وداتا بيز والحياة حلوة عنده
دا بقى بتاع اي تي .. القسم الجديد اللي عندنا
Information Technology
…..
طبعا دوول الناس اللي عندنا انا بقول كده طبعا بهزار
مجرد مزحة يعني .. وياريت محدش ياخدها بحساسية … الموضوع مجرد هزار
طبعا انا حاسس بمعاناة الجماعة بتوع سي اس
ويارب يوفقكم كلكم يااااااااارب
وربنا يوفقنا كلنا وننجح السنة ويارب اللي نفسه في حاجة تحقق ان شاء الله
….
يالا اشوفكم بخير في البوستاية الجاية ان شاء الله
سلااااااااااااام
صدقت يابني!!
أنا فعلا النهاردة صحيت من النوم لقيت نفسي في الكلية
حتى اسأل ميييييييتو -حفظه الله-!!!!!!!!!
و الجو كان سقعة أوي … شربت كبايتين شاي و بجد كنت عايز أشرب التالتة عشان أدفى شوية
مع اني -سبحان الله يعني- مش مدمن شاي
بس حاسبات بتغير الواحد بقى 😛
على العموم
مبروك على الامتحان 😛
ههههههههههههههههههه
وصفك جامد
كده الواحد عرف الأقسام عندكم كويس
ههههههههههههههه
هههههههههههههه
فعلا والله وصف سى اس دقيق للغاية
وعامة عندنا مادة من المادتين اللى عندكم دول هى دي اللى فيها الأمل
والحمد لله أنكم خلصتوا من مادتين
وربنا يسترها علينا فى الالجوزميات دي
أحلي حاجة أن الدكتور النهاردة بيقولنا ان المنهج هزيل
هههههههههههههه
مش عارفة اقول ايه والله
ربنا يسترها علينااا كلنا
هو أنا ينفع أحول اى اس؟؟ 🙂
يللا ربنا مع الدفعة كلها بإختلاف أقسامهم
سلااام
ههههههههههههههههههه
بجد وصفك جميل جداااااااااا
وهما كدا بتوع سى إس دايما متبهدلين
والله إحنا بننزل من الساعة 8الصبح ومش بنرجع غير الساعة 8بليل
والمهم إن كل دكتور يدخل ويقولنا عليك وعليك وعليك
ولو ماكنش الدكتور يبقى المعيد ومش لازم يشرحوا
إحنا المفروض ينزل علينا الوحى ونفهم ونعمل الحاجات اللى بيطلوبها منا لوحدنا
بالنسبة بقى للمادة اللى بمادتين ودكتورين فدى عايشين حيتنا فيها
أموت وأعرف إزاى هنمتحن شفوى فى ألجورزمات
يلا ما علينا ده لو الواحد فتح فى الكلام مش هيخلص
المهم ألف مبروك إنكوا خلصتوا من المادتين وعقبال الباقى يارب
ento leh bt7asswoony n bto3 IS msh lehom lazma fe el7ayah????
3moman rabena ywafa2 elkol
meeeeeeeeeeeeeeeeeeeeeeeeeeen???
ezayk ya smsm ??
a5bark eh ??
we a5bar el 3yal eh el kids ya3ny ???
CS is not easy to live normal in it
IT is not easy to understand what dr say ….. we r a part from CS m3a enohm aktr 😀
IS …. High Head … a7la nas kma kal el b7b7any 😀 … no study no work and GOOD DEGREE ………. with my all respect
peace ya sa7by asl ana hawl3 fe el electronics el nharda ya ana yahya today
“BooDy”
انت مثال لطالب السي اس الهادي .. ربنا معاكم يبني والله
عقبالكم يا عم 😉
“MMF”
ايون بالظبط كده
😆
“my fate”
منهج الالجورزمات هزيل ؟؟ … طب ازاي بقى
دكاترة زي الفل والله .. ربنا معاكم ياااارب
حكاية التحويل والله معرفش عنها حاجة … بس بجد بجد بجد
غلطان اللي ميدخلش اي اس
😆
شكرا على مرورك
🙂
“sara”
منا عارف المواعيد والتأخير دا كله .. والله حاجة صعبة بجد
حلوة حتة الوحي دي على فكرة ضحكتني بجد 😆
صحيح هو الالجوزمات فيها شفوي ازاي ؟؟ .. ممكن يقولكم سؤال : علل الكود .. او علل البرمجة ؟؟
😆
الله يبارك فيكي والله .. ايوا كدا عايزين يبقى في روح رياضية كدا
عقبالنا كلنا لما ننجح السنة دي ان شاء الله
🙂
“some2”
والله الموضوع كله هزار وانا قولت كده في الاول
وبعدين مين قال ان اي اس ملهمش لازمة .. انا كلامي كان عن الصبيان بس .. انهم فاضيين جداا
😆
ربنا يوفقنا كلنا ياارب
شكرا على مرورك
😀
“Mr MetoOo”
وادي كمان ضحية من ضحايا الاي تي
😆
العيال بيسلموا عليك .. كل يوم يقولولي عايزين عمو ميتو .. عمو ميتو:lol:
انا معاك ان شباب اي اس بس .. علشان خاطري انا بتكلم عن الصبيان بس 😆
no study … mashy
no work … beneshta3’l bas men wara el-nas 3alshan el-3een 😆
good degree … lessa ya 3am mashofnash 7aga .. bas 2ol ya rab
انا نسيت نفسي وانا بكتب فرانكوا ولا ايه ؟؟
نفسي بتوع اي تي يبطلوا حسد وقر ونق .. علشان تمشي الله يكرمكم ياااارب
دا احنا بتوع الاي اس غلابة .. وبنجري على اكوام لحم 😆
الله يكرمكم سيبوها تمشي وهيا ورزقها
سيب 2 جنيه بقى نفطر بيهم يا ميتو
😆
بيس يا عسل .. بس حاسب تحرق صوباعك وانت بتولع في الالكترونيات
😆
ع فكره انا اى اس
يخلص بريزون بريك ويتفرج على لوست
بس بتفرج ع المسلسلين دوول
لانهم مسلسلين جامدين مووووت
بسس والله بتاع اى اس متبهدل برضه
ياجماعه نفهمه بالعقل ونقول الصراحه
اى اس حلو لانساااان اللى مبيزاكرش لانه كده كده بينجح ولان الدكاتره بتوعه بيعملوا الطلابه كانهم معاقين زهنيا
بس صدقينى الطالب الشاطر بيتبهدل زى بتاع اى اتى او سى اس
من ناحيه مشاريع وابحاث ومزاكره غيرانه بيبقى خايف اكتر
ليه لان بتاع اى تى او سى اس صدقينى اللى هيزاكر هياخد حقه
بماانى مجربه الدكاتره اللى بتعطى لهم قبل كده
بس شخص ما بيعطى الامتحاااان الشاطر دلوقتى يتظلم ليه ممكن واحد مبيزاكرش يجيب زيى او حتى اكتر منى محدش عارف الظروف (ده بتخوف اللى بيزاكر ججدا)
واللى بيزاكر مش بيده حاجه ليه يزاكر ماده كده كده فى الاخر هياخد الامتحان وجع دماغ يعنى وخلاص
نجىء لدكاتره بتنسى احنا مين اساسا عاوزها تفتكر اخدنا ايه ومخدناش ايه
او دكتور مبيصححش بضمير……………
ولسه ياما هنشوف
هنا اللى بيزاكر هو اللى يخاف الناس التانيه عادى لان كل هينجح
مش عارفه الصراحه مش حسه ان مبسوطه ان دخلت اى اس
شفت بقى المعاناه اللى بيعنى منها اللى بيزاكر
عشان محدش يقول عليه بعدكده سهل
سورى ع الاطاله
هو انا كل ماروح ف حته الاقيهم بيعملوا فينا كده
🙁
ايه البوااااااااااخه دي ياعم
بس بجدددد انا راي من راي العضو ميتو ف كلامه عن اي اس
والي مش مصدق يجي يعد معانا ف اي تي اسبوع وهو يصدق
واخر حاجة بقولها حسبي الله ونعم الوكيل ويارب اخرج من الكليه دي سليم معافي 😛
ده احنا مقبلين على ايام سوده يا اسلام ياسويتي 😀
السلام عليكم
انا كمان متعاطفه مع بتوع سى اس جدا اكتر كمان من بتوع اى تى
وانا اى اس
بس انا مش شايفه ان الموضوع بكمية البساطه والسهوله اللى حضرتك قلتها دى
كتكمله لكلام البشمهندسه وسام احب اقول ان الاهتمام بالدراسه او عدمه ده راجع للطالب نفسه
يعنى منقدرش نقول ان طلبة اى اس كلهم فشله وفاضيين مع ان اغلبهم اوائل فى السنوات الماضيه
ولا نقدر نقول ان كل بتوع سى اس او اى تى هما عباقرة الدفعه مع احترامى للجميع
لان كل قسم فيه طلابه جزء منهم متفوق وجزء منهم مكبر دماغه
وتوضيح اكتر للى بقوله
مثلا المشروع بتاع بشمهندس سمير
اظن حضرتك عارف انه مالوش درجات ومالوش اى حاجه فى الماده اننا نكون مغصوبين اننا نعمله على اكمل وجه
ففى ناس بتكتفى انها بتعمل سيرش عالنت وتعمل المشروع اى كلام
وفى ناس ودول كتار اووى الحمدلله منهم التيم بتاعنا وغيرنا كتير
كنا بننزل ونعمل انترفيوز كتييييره مع الناس بره
ومن اكتر من مكان عشان نقدر نجمع معلومات صح ونقدر نعمل المشروع صح وده مش لاى سبب غير اننا نستفيد
مع اننا بنات واتعرضنا لاحراج كتير نتيجه لكده واننا ازاى نطلع المعلومه من كل واحد ده شىء صعب
دى حاجه واحده من اللى كانت علينا مع ان فى ناس كتير محستش ان المشروع ده كان صعب ولا حاجه
لانها ببساطه متعبتش فيه
فكل حاجه فى الدنيا ممكن تكون سهله او صعبه على حسب الانسان نفسه وشغله
نقطه تانيه برده ودى فعلا عندك حق فيها
ان بتوع اى اس على طول بره المدرجات رايحين جايين
بس تعرف ليه
لان اغلب المعيدين والدكاترة الحمدلله يا اما مش بيجوا يا اما بيتأخروا نص الوقت والاخر ميقولوش حاجه
فطبيعى اننا نكون بره مدرجاتنا بس للاسف مش بنكون مروقين دماغنا احنا بنكون كارهين نفسنا لاننا جينا عالفاضى وضيعنا الوقت ده كله
بس كده
اتمنى ان حضرتك تاخد كلامى بصدر رحب
“wesam”
كلامك صح جدااا .. بس مش عايز الناس تنسى نقطة
ان لكل مجتهد نصيب .. وان الله لا يضيع اجر من احسن عملا
🙂
اه .. وتلاقوا الدكتور من بتوع اي اس … الدكتورة تدخل تسأل انتوا اخدتوا ايه في المنهج بتاعك
ولا تلاقيها يوم الامتحان داخلة تقول يا ولاد : السؤال الاول ده عليكم في المنهج ولا لا ؟؟
نعم يا حاجة ؟؟ طب انتي حطيتي الامتحان ازاي بقى ؟؟ افهم دي
😆
حاجة فعلا تجيب الضغط
على فكرة لما تلاقي حضرتك خلصتي بحمد الله وطالعة بتقدير كويس ان شاء الله
وكنتي بتزاكري حاجة تانية بره الكلية .. كورس او اي حاجة يعني .. وزميلتك او زميلك اللي في سي اس
طوول السنة يا عيني بيزاكر وطالع عينه .. فمن الطبيعي انه ميلاقيش وقت ياخد فيه اي حاجة بره الكلية
فده شئ كويس لينا .. والحمد لله على كل شئ .. وربنا يخرجنا منها كلنا بسلام ان شاء الله
🙂
شكرا على مرور حضرتك
😀
“Ahmed Samir”
ماشي يا عم احمد يا سويتي
وبعدين ايه العضو ميتو دي .. هو انت على منتدى ولا حاجة يا خويا
انت هنا عندي يعني انا الادمن .. وانا الاعضاء 😆
سيبك من الواد بتاع البحبحاني ده وخليك معايا .. خليك مع اللي بيفكر فيك
😆
انا بهزر .. البلوج ملك ليكم كلكم طبعا .. بس محدش يطمع اني اديله الباس ورد بقى
😀
ان شاء الله تخرج منها .. بس حكاية سليم دي انا اشك فيها 😆
يا رجـــب … دا انت هتشوف ايام سودة .. ههههههههههههههه
كده رضا
😆
نورت يا احمد بك
“Gana”
يظهر الناس كلها متعاطفة مع سي اس .. والله انا بفكر نلم ليهم تبرعات
ابسط يا عم عبدالله
😆
كلام حضرتك سليم جداا .. حكاية المزاكرة دي بتبقى مزاج عند ناس والله
في ناس اعرفها بتبقى واخدة الموضوع جد زيادة عن اللزوم
الصراحة شغلهم بيعجبني جداا .. بس اللي الناس مش واخدة بالها منه انه مجهود كبير بس على الفاضي
يبقى ايه لازمته .. اه ماشي شغل وكل حاجة .. وهنستفيد وميه ميه .. ونروح ونيجي
بس في الاخر مش بستفيد حاجة
..
طب منا اروح اخدلي كورس ينفعني .. وينفعني في شغلي بعد كده .. بدل وجع الدماغ ده
انا مش بقول منشتغلش .. انا بقول نشتغل وكل حاجة بس مش لدرجة اللي بشوفه
طول مهم قاعدين الاقيهم بيتخانقوا مع بعض .. وشوية هيضربوا بعض .. علشان الناس كسلانة وواحد بس هو اللي شغال
بصراحة دي بتخنق جداا
بس ارجع واقول انها راجعة لمقدرة الانسان على المزاكرة والصبر انه يفهم معلومة
من الدكاترة
..
اعتقد ان حكاية التأخير بتاعت الدكاترة دي اخدنا عليها .. ومش مستاهلة ان الواحد يعصب نفسه علشانها
اه فيها تضيع وقت .. بس الواحد بيكون مع اصحابه يعني .. مضعش على الفاضي برضه
ولا ايه ؟؟
اكيد طبعا .. وشكرا على مرورك الكريم
نورتي البلوج
🙂
يا مجنوووووووووووون
بس برضو من الاخر و بكل فخر
انا اي.تي 😀
“ahmed sultan”
انـــا برضه يا سلطان .. ماشي
😆
“Hunikal”
وماله يا عم … حمدالله على سلامتك يا جميل
ربنا معاكم
😀
هههههههههههههههههه
مش عارفة الناس مالها؟؟
هو ليه محدش مرتاح فى اللى هو فيه؟؟
لا اى تي مرتاحين ولا اى اس مرتاحين وسى اس مش مرتاحين برضه لأ وكمان معقدين 🙂
بس عامة أنا اى تي بيصعبوا عليا اكتر بسبب دكاترة هندسة اللى عندهم
بس لو فيها تبرعات لاسى اس فأكيد أحنا غلااابة جدااااا أصلااا 🙁
وحكاية تاخير الدكاترة دي علينااا كلنااااا
لأ وفجاة تلاقى الناس بتقول الدكتور دخل
مش عارفة هل هما بيجوا من فوق الكلية ولا ايه؟؟
بينزلوا بالباراشوت يعني؟؟؟ الله أعلم لو حد عرف يبقي يقولي
وحكاية فهم المادة دي فانا فى الكل المواد مني لربنااااا وفى انتظار الوحى أنا وأصحابي
ومش عارفة الموضوع قلب جد كده ليه
الواحد خده هزار وضحك شويتين كده واتبسط وخلاص
بلا مواد بلا سى اس بلا اى تي بلا اى اس بلاها حاسبات أصلاا
أنا عايزة اطلع رحلة :)) أحلي من كل حاجة والله
بلا وجع قلب
نفسى اعرف ليه كتبت حاسبات رغبة اولي وبعدين كتبت سى اس رغبة اولي
مالهااا عربية التررررمس؟؟؟؟؟؟؟
كان زماني عملت ثروة وأنا واقفة جمب الكشك بتاعنا والناس رايحة جاية تشتري ترمس مني
:)) هيست كالعاادة
سلااام بقي
“my fate”
محدش عاجبه حاله والله .. يالا ربنا يهدي
🙂
هههههههههههههه .. لا بجد جامدة الحتة دي يعملوا زي بتوع المارينز كده
😆
على فكرة الموضوع كله هزار في هزار .. بس مش عارف في ناس اخدتها جد ليه
اني بضحك معاكم
😀
حلو الشعار ده على فكرة .. مالها عربية الترمس
هتكسبي دهب من المشروع ده على فكرة
😆
كله محصل بعضه على فكرة 😀
كله عند حاسبات شهادة … ولا ايه ؟
مش عارفة انا بتكلم كده ليه … بس هو كده فعلا …
آه أنا آى تى بالمناسبة
انا لسه طالعه من موضوع بيتكلم تقريبا عن نفس الموضوع 🙂
انا اى اس
والحمدلله انا مبسوطه ان انا اى اس
بس مش عشان هوه القسم الاسهل كما يقال او
no study…..no work
وان مش موافقه على الكلام ده ابدااااااااااااا ههههههههه
بس هقولكوا على حاجه عشان نريح الكل
المفروض ان كل واحد يركز ويبص فى ورقته قصدى فى قسمه 🙂
وملوش دعوه غيره شغال ازاى ؟
وعموما ربنا معاااااااااااانا كلنا ويوفقنا كلناااااااااااااا
خاصه بتوع اى تى وسى اس ولا تزعلوا نفسكوا 🙂
بس كده
ههههههههههههههههههه
ايه الدقه في الوصف دي ؟؟
انا شويه وهقوم ابص في المرايه عشان اطمن
بس بوست راائع بجد احييك عليه
وشكراا علي تضامنك مع سي اس 🙂
Rabena ma3ako, bas e7na 3andena 7aga shabah keda fi etisala w ta7akom, zai CS w IT 3ala el tarteb 😀
“Amany”
كله محصل بعضه والله
وهتصدقوا كلامي لما نخلص بإذن الله
شكرا على مرورك
😀
“yusra”
هههههههههه .. على رأيك والله ياريت كل واحد يخليه في ورقته وملوش دعوة بورقة غيره
😆
وياريت تبطلوا نق بقى عندنا امتحانات وعايزين ربنا يسترها معانا
ان شاء الله
😀
شكرا على مرورك الجميل
🙂
“sandy”
مرايتي يا مرايتي
قوليلي انا ابقى مين
😆
شكرا يا فندم .. اخجلتم تواضعنا
..
اكيد لازم يبقى في تضامن وتحالف بين قوى الشعب الحاسوباتي
وبين جميع قوى التحالف في الاقسام المختلفة .. وكان الله في عونكم
😆
شكرا يا فندم على مرورك الجميل
“bingorabbit”
مييييييييييييييييييييين ؟؟
بينجو بحاله عندي على البلوج
وانا داخل اقول البلوج منور نور غير عادي والله
😀
طبعا كلنا عارفين المأساة اللي عندكم في هندسة من غير ما تقول
مهم عندنا نفسهم يطبقوا اللي بيحصل عندكم .. بالتفصيل
😆
يالا ربنا معانا ومعاكم
والف مليووون شكر على مرورك يا جميل
نورت والله
😀
ههههههههههه
بوست جامد بصراحه 😀
ووصف دقيق …ربنا يستر علينا على ما نتخرج ده اذا اتخرجنا يعنى 🙂
الجديد كمان فى سى اس …ان دكتور يسرى الهلالى هايدينا ….
اللى ما يعرفوش …كان طالب من سى اس اخر مره درسلهم يعملوا كومبيلر يعنى للغه برمجه بس بالعربى …واصلا مافيش لغه برمجه فى الدنيا بالعربى 🙂
بس ربنا قادر على كل شئ 😀
ههههههههههههههه
دلوقتى بس عرفت ليه اى حد فى سى اس كان يشوفنى فى اولى وتانيه يقولى ….اوعى تفكرى تدخلى سى اس 😀
دعواتكم يا اى اس واى تى 🙂
ومع سى اس هاتلاقى كل اللى نفسك فيه 😀
وانا سى اس 😀
ياااااااااااااااااااااااااااااااااه
كل الردود ديه
ليه هو البوست كان من امتى
معلش يبنى اصلى مش متابع
ضحكتنى يبنى ببوستك ده
وخصوصا دكتور الالجورزمات اساس كل حاجه
تصدق انى استاهل ضرب النار انى ما لحقتش الموضوع ده من سنه ونص بجد موضوع معدى ويا سلام لو كان اتكتب واحنا فى رابعه كده وبعد نتيجه الترم الاولانى وماسوره الامتياز اللى فى اى تى واى اس يالا هااااااااااانت كلها كام شهر ونختفى