السلام عليكم ورحمة الله وبركاته
ازيكم يا بشر
النهاردة انا داخل اعتذر لانسان انا بحبه جدااا .. وبحترمه جدااا .. وكنت قولت عليه كلام مش حلو
النهاردة انا داخل اعتذر لـعصام الحضري … وارقص يا حضري
بجد بجد انا فرحان ان الحضري رجع لمستواه الحقيقي تاااني الحمد لله .. ربنا يحميك يا حضري
الحضري امبارح خلى اللاعيبة بتوع ايطاليا واقفين مذهولين
وخلى المدرب بتاعهم باصص للملعب كأن حد ضربه على قفاه وطلع يجري
الراجل بقى باصص للحضري وهو بيصد .. واقف مذبهل .. ويقول في نفسه
بقى ده اللي انا كنت بقول لو كان في حارس غيره كانت مصر فازت على البرازيل ؟؟
بقى ده اللي انا كنت معتبره نقطة ضعف المنتخب المصري ؟؟
الحمد لله … اللاعيبة كلهم كانوا رجالة امبارح .. والواد شوقي وحسني
والفنان ابوتريكة اكتر واحد جرى في الملعب امبارح والله
وحمص حمص حمص ……. يا حلاوة
الواد ده يا جدعااان … راجل راجل راجل .. كان شايل خط النص امبارح
وجاب الجون .. وكان بيدافع .. بجد بجد راجل
….
….
الراجل المعلق بتاع قناة
ART
صواته راح خالص … وانا كنت هتشل في اخر خمس دقايق اللي الحكم ضافهم في الاخر
كأنهم مستكترين علينا اننا نفوز ؟؟
هو حرام نفوز يا جدعاااان ؟؟
بس مش مهم … المهم ان انا فرحان .. والواد اخويا الصغير فرحان .. وابويا فرحان .. وجوز خالتي كمان فرحان .. واوووووووووو مصراووووووي
بجد بجد .. انا مش مصدق اننا كسبنا .. وكسبنا مييييين ؟؟
ايطاليا … ايطاليا يا جدعااااااااااااااان
كسبنا حامل اللقب … قال حامل اللقب قال … يروحوا يشوفوا اي حاجة تانية يحملوها بقى
محنا خلاص .. علـمـنا علـيــهم
واوووو مصراووووي
” ايه يا جدعان هنقضيها تشجيع بس ولا ايه ؟؟ كله يقول معايا .. اهم اهم اهم .. المصريين اهم “
انا مش مصدق يا جدعان ان جه اليوم والواحد شاف مصر كسبانه .. ومعلمه على ايطاليا
ياااااه .. الحمد لله فعلا
….
برضه .. الناس عمرها ما هتنسى اليوم ده
18 – 6 – 2009
انا بيتهيألي .. الناس عمرها ما هتنسى شهر 6 سنة 2009 ابدااااا
يالا .. ربنا يجعل ايامنا كلها افراح
قولوا … ااامين
و بعيدا عن كل الاحداث المؤسفة .. وعن كل التطورات اللي بتحصل –عندي– وفي المنطقة بأكملها
بس انا فرحان واخويا الصغير فرحان وابويا كمان فرحان …. واووووو مصراووووووي
سلاااام
elahlawy
ألف مبروووووووووك لينااااا
انا كمان من ضمن لستة الناس الفرحانة دي
وخصوصا أن مصر كانت لابسة أبيض واللى دخل الجون من الإسماعيلي 🙂
اووووووووووووووه مصرررراوي
ومصر هى أمي 🙂
بجد يعني أنا أعصابي كانت خلاص فى أخر حبة فى الماتش
كنت هأعيط عشان يخلص بقي 🙂
والحكم ده منه لله
مش فاهمة هو كان ماله كده
يلا
المهم كسبنا برضه 🙂
الحمد لله
وعقبال الجاي يااااااااا رب
سلاااااام
على فكرة اللي رفع الكورة لحمص .. ابو تريكة … مااشي
وبعدين مصر علطوول بتلبس تيشرت احمر , وساعات ابيض وبيكون ابيض بس
مش ابيض وفيه خطين حمر
😆
ومصر هيا امي
🙂