السلام عليكم ورحمة الله وبركاته
كمان شوية الساعة هتبقى 12
لا يا رجل ؟؟ بجد ؟؟ تصدق مكنتش هعرفها لوحدي دي ؟؟
بقولك ايه .. واخد بالك انك كل مرة برضه تيجي في اليوم ده وتغلس عليا بدوون سبب كده
فاكر المرة اللي فاتت .. برضه غلست عليا ومخلتنيش اقووول اللي انا عايزه
بس البوست اللي فات حاجة .. والمرة دي حاجة تانية
امشي اطلع بره ياااض
النهاردة بقى .. او بمعنى اصح كمان شوية يعني .. بعد اما تيجي 12 كده
يعني بالظبط يوم
” 21 – 6 – 2009 ”
هكمل الــ 20 سنة ان شاء الله
ياااااااااه .. الواحد بقاله 20 سنة عايش .. كتير برضه يا جدع
عموما
“ Happy Birth Day To Me “
واديني بقولها لنفسي اهو
كل سنة وانت طيب يا واد يا اهلاوي .. كل سنة وانت لوحدك ياض يا اسلام
زي اليوم ده السنة اللي فاتت .. كنت احسن من اليوم ده السنة دي
بس الحمد لله على كل شئ
وان شاء الله السنة الجاية تكون حققت اللي انت عايزة .. مش كده برضه ؟؟
وان شاء الله السنة الجاية تقدر تتخطى المحنات والازمات اللي انت فيها .. وتعمل حاجة احسن من اللي كان نفسك تعملها قبل كده … بإذن الله
هع
انا اللي طفيت الشمع اللي موجود في التورتة .. لوحدي برضه على فكرة
علشان انا بحتفل بعيد ميلادي النهاردة … انا والكمبيوتر والمدونة بتاعتي وبس
احنا الـ 3 بس .. حلوين اوي كده
ومش عايز حد تاني يوجع دماغي
واي حاجة هتوجع دماغي تاني … انا مش عايزها ابدااا
الكلام مفهوم … ؟؟
حتى لو مش مفهوم مش مشكلة .. متحطش في دماغك
المهم دلــوقتي إن انا عايز اقووول شوية حاجات انتظم عليها وعايزكم تدعولي اني انفذها
و الحاجات دي هخططها في دماغي كده وهتترسم .. ان شاء الله
وممكن تلاقوا “حسن شحاته” بيلعب بيها الماتش الجاي
وان شاء الله دي تبقى ” اهداف ” الواحد وهو في سن الــ 20 … ان شاء الله
نبدأ .. بسم الله
- عايز انتظم في صلاة الفجر كل يوم في الجامع ان شاء الله .. ولحد اما اموت بإذن الله
- احاول اكتر واكتر .. اني اخاطب الناس على قدر عقولهم
- احاول اسيطر على نفسي شويتين زيادة .. لان بسبب شوية حزن صغيرين انا كنت هضيع نفسي … يالا الحمد لله ان الفترة دي عدت على خير .. وربنا يستر على اللي جاي
- برضه احاول اسيطر على نفسي .. علشان مفيش حاجة في الدنيا تستاهل ان الواحد يزعل علشانها حتى لو كنت فاكر ان الحاجة دي .. اغلى حاجة عندك .. مسير الايام تعلمك ان مفيش حاجة اسمها غالية عندك
- عايز اتعلم بايثون .. نظرا لان حصلت شوية ظروف قهرية .. منعتي اني ابدأ الكورس مع باشمهندس احمد سليمان .. فا هـحاول اتعلمها لوحدي ان شاء الله .. وقريب جدااا .. بإذن الله
- عايز اكمل مشوار الجافا .. نفسي اكمل في سكة الــ web component “JSP” بس اعتقد ان دي مش هتبقى دلوقتي خااالص .. ممكن بعدين بعد اما اخلص تدريب … ادعولي اخلصه على خير ان شاء الله
بس خلاص ده كل اللي انا كنت عايز اقوله .. وربنا يوفقني اني انفذ اللي قولت عليه
ياااااااااارب
….
دعواتكم معايا يا بشر .. البوست دي غم شوية معلش
بس والله دا مش حاجة من اللي انا فيه دلوقتي .. معلش سامحوني
ويارب فك كرب كل مهموم يااااااارب
خدوا بالكوا من نفسكوا كويس .. ومتخلوش في اي زعل ما بينكم .. ومتخلوش الزعل يأثر عليكم
واقعدوا من غير زعل .. ان شاء الله
سلااااام
اسلااااااااااااااااااااااااااااااااااااااااااااااااااااام حبيبى شوفت انا قايلك بدرى ازااااااى شوفت انا قولتهالك يومها ازاى 😀
كل سنه وانت طيب يا جمييييييييييييييييل وعقباااااال 1000000000 سنه كده
ويااااااااااااااارب السنه اللى جايه تكون حقق كل اللى انت عايز وتكون فعلا خلصت الحاجات دى كلها يا باشا
وان شاء الله تفضل طوووووووووول عمرك اهلااااااااوى كده 🙂
بس انا اكبر منك برده يا ريييييييس 😀
يلا كل سنه وانت طيب ويااااااااارب اليوم النهارده يبقى جميل عليك كده يا حبى
سلاااااااااام
خلاص بقى يا محمد .. قلبك ابيض
🙂
وانت طيب يا عسل .. وربنا يديم اللي ما بينا ان شاء الله
🙂
وماله يا عم .. بس اهم حاجة انت متكونش زعلان بس
نورت يا حبي
😀
كل سنة وانت طيب يا صحبي 🙂
و ان شاء الله تحقق مخططاتك كلها 🙂
وانت طيب يا جميل .. ربنا يخليك ليا يا حبي
🙂
يارب يا عبدالله .. ويارب انت كمان تحقق كل اللي انت عايزة ان شاء الله
🙂
كل سنة وانت طيب ياريس
و يارب كده تحقق كل اللى بتحلم بيه
و عقبال مليووووووووووووووون سنة
🙂
عيد ميلاد سعيد ياجميل
Happy Birthday ISLAM 🙂
وانت طيب يا باشا
ويارب انت كمان تحقق كل اللي انت عايزة
🙂
شكرا يا جميل
😀
كل سنة وأنت طيب
وعقبال سنين كتيرة كده يكونوا كلهم فى حلوين يااا رب
مع أن البوست طبعه حزين يعني
بس أعتقد حضرتك المفروض تفرح
اليوم ده بيخلي حضرتك تعيد تفكير وأكيد هيؤدي لنتايج كويسة
وبعدين هو يوم فى السنة يعني 🙂
ومش كل حاجة بنفتكرها شر بتبقي كده والعكس برضه
ومش كل حاجة نتفكر أنها خلصت ممكن تكون خلصت برضه
وعامة ربنا يحقللك كل أحلامك
وإن شاء الله كل حاجة تتحل قريب 🙂
سلاااااام
وانتي طيبة يا
my fate
صح تمام .. بس اهو الواحد يعني من كتر الحزن بيطلع وخلاص
🙂
شكرا على الدعوات الجميلة دي .. نورتي
😀
happy birthday man
وانت طيب يا بنا .. عقبالك يا ريس
😀
نورت يا صاحبي
🙂
هابى بيرز داى تو يو
شوكولاته وجاتو
-لسه شايف الاغنيه الهايفه دى امبارح
كل سنه وانت اسلام يا اسلام
وربنا يديم صفائك ويصفيك اكتر واكتر
😉
kiss
دولة حبيبي
!!
وانت طيب يا باشا .. ربنا يخليك ليا
🙂
ماشي يا عم .. ربنا يديم الصفاء لكل الناس
🙂
كل سنه وانت طيب يامعلمي ويارب تحقق كل احلامك يارب 🙂
معلمي؟!
فين حقوق الطبع ياض؟!
وانت طيب يا احمد يا سويتي
😀
متزعلش يا عبدالله .. من النهاردة يا ناس
حقوق الطبع والتوزيع لكلمة معلمي .. محفوظة لبودي ابن الحاج سعيد
واي حد سيتعدى هذه الحقوق .. سيعرض نفسه للضرب
😆
قشطات كده يا كبير
؟؟
happy birthday to U 🙂
Thank u ya gameel 🙂
Happy Birthday to you
ربنا يحقق لك كل امنياتك
Thanks simba 🙂
Nawarty
😀