السلام عليكم ورحمة الله وبركاته
ازيكم يا بشر
البوست التاني في السنة الجديدة … صباح الفراغ
🙂
النهاردة .. ولأول مرة منذ فترة طويلة جداااا جدااااااا .. بكتب بوست من على الويندوز
اه .. اه .. انا سطبت ويندوز .. وكمان ويندوز 7
شوفتوا الحلاوة
😆
لابي الحمد لله بعد ما رجع من الاصابة .. احم الصيانة
قولت اسطب عليه ويندوز .. علشان اسطب الدريم ويفر .. والحاجات اللي هما عايزنها في مشروع التخرج بتاعنا
مع اني عمري ما اشتغلت على الدريم ويفر .. ولا حبيته من اصله .. بس سطبته واشتغلت عليه .. وعملنا عليه حاجات حلوة كده وامورة
اصل عقبال عندكم انا عمو بتاع الويب في المجموعة -طبعا مش الوحيد- ولكن نحن نختلف عن الاخرون
🙂
سبعة صنايع .. والبخت ضايع
😆
المهم .. طبعا لابي اللذيذ مش عارف ليه مبيحبش الاكس بي .. وكل مرة اقعد انزل التعريفات من على النت وحاجة تقرف وفي الاخر الصوت ميشتغلش
فبما اننا في ايام امتحانات وفاضيين .. ومكنتش عايز العب بلاي ستيشن .. ولا عايز ازاكر
فجه في بالي اني اسطب ويندوز 7
والحمد لله النسخة شغالة لحد دلوقتي .. وتمام الحمد لله
وبكتب بوست من عليها .. اني فرحان جداا .. ان الاب صوته رجع تاني
طبعا كله هيقول .. امال انت كنت شغال على ايه قبل كدا
على لابي محبوبتي .. الابنتو – اللي طلع عينها من كتر اللعب فيها ولسه زي ما هيا على فكرة – وفي الشركة فيدورا
🙂
المهم انا كنت داخل اقوول …. ايه ؟
نسيت
!!
احم .. احم اه اه
كنت عايزكم تدعولي ازاكر .. اصلي من الساعة 1 ونص فاتح سليدز مادة -مش فاكر اسمها- وغالبا بيقولوا امتحانها الشفوي يوم الاحد الجاي
مش عارف بيهزروا معايا ولا بيتكلموا جد
عموما … انا نفسي ازاكرها .. بس مش جايلي نفس بصراحة
😆
متقولوش لحد بقى الله يكرمكم .. بلاااش فضااايح
استروا عليا
😆
…
ادعولي … شكرا
🙂
…
…
الراعي الرسمي لامتحانات الترم السنة دي .. الناس كلها تشربه وتصحصح
وانا اشربه واناااااااااام
😆
…
حلو الواد الصغير ده .. صح ؟؟ .. شكله مثقف
اكيد الواد ده متربي في اليابان
🙂
نفسي ازاكر زيه كده .. يالا بقى كفاية كده .. متنسوش تدعولي ازاكر
اقعدوا بالعافية
سلام
🙂
dreamwaver & web !!! t3ala le7amo ya habibi 😀
روح اجري ياض يا بتاع الويب ديزين والجرافيكس انت
قال تعالى لحمو قال
😆
نورت يا ميتو
🙂
البلوج بلوجك والنور نورك .. اشطة يا معلم
ربنا معااااااااك يا حبى ومعانا يا حبى
وكل سنه وانت طيب
وحمد الله على سلامه لابك
ومبروك عليك السفن احلى حاجه انها مفيهاش بزر قصدى مش بنزل عليها تعريفات زكيه اووى وبتجيب تعريفاته بنفسها
بس اللى يوم الحد ده امتحان عملى مش شفوى ولا ايه رايك
اه صحيح ده انت اى اس .. ده احنا اللى عندنا عملى ع العموم مش هتفرق اهو كلنا ه*** سلام يا حبى
الف شكر يا محمد .. وفعلا جابت كل التعريفات لوحدها زي الابنتو
🙂
عملي شفوي اهو كله في سبيل الوطن .. وحاسبات .. ومنتخب مصر
😆
ربنا يسترها معانا يااارب
نورت يا حبي
🙂
الله يسهلو ياعم
دحيح من يومك
مين اللي دحيح ده … انااا
؟؟
على فكرة يا بنا .. انت غالبا قريت الكلام بالمتشقلوب
انا قولت نفسي ازاكر .. مقولتش انا خلصت المواد وبراجع
😆
اهو نققوا ده هو اللي جابنا ورا
مذاكرة؟
الكلمة دي غريبة
أحنا بنعاني مع الايه اي اهو
وزي الفل
أنا كنت بدات أحس ان اى اس خدوا الاجازة بدري
طلع عندكم إمتحانات زينا
😀
يلااا
ربنا معاكم
وإن شاء الله خير
وهندعي حاضر
🙂
اجااااازة
!!
مش بقول … نققوا ده هو اللي جابنا ورا
😆
يا جدعان .. يا اهل اي تي وسي اس
انا كل ما بكتب بوست .. بعلن مواساتي .. وتعاطفي معاكم
..
ادعولي بقى اني ازاكر وانجح السنة دي
دي اخر سنة الله يكرمكم .. انا راجل ورايا جيش وشغل وعايز اتجوز
😆
عاااايز اخلص
….
ربنا معاكي ومع كل سي اس بكرة ان شاء الله
وياارب تعدوا منها على خير
يالا .. دعوات ببلاش اهو
حد تاني عايز يدعيلي
🙂
نورتي يا your fate
امممممممممممم
أنا بأدعي اهو
ثانيا نق ايه؟؟؟
بقي هي دى اخرتها؟؟
ماااااشى
احم احم
ايه بقى ؟؟ .. انا بهزر
ومفيناش من زعل .. وبعدين انا دعيت اهو
🙂
مفيش زعل بقى .. سنة جديدة وكل سنة وانتي طيبة
🙂
🙂
المهم الإمتحان عدي على خير
والدعوة بتاعتي جابت نتيجة ولا ايه الظروف؟
😀
ومفيش زعل عشان دي آخر سنة
🙂
الحمد لله اﻻمتحان عدى على خير .. والدعوة جابت نتيجة .. وكله تمام
😀
ومفيش زعل
🙂
اية دة يا اهلاوي عايز تزاكر لا لا لا معرفش عنك كدة
نسيت النظريات و القواعد اللي اسسناها في 513
“اذا جاءك احساس بالرغبة في المذاكرة .. انزل اتمشى شوية حتى تزول هذه الرغبة”
ربنا يكرمك و يسترها معانا كلنا في الترم دة
ان شاء الله بالتوفيق 🙂
للاسف يا اسلام انت ﻻزم تواجه الحقيقة المرة دي معايا
اني ﻻزم ازاكر .. علشان في امتحان بكرة
🙂
وانا للاسف زاكرت .. وواضح ان الناس دعت فعلا امبارح
وزاكرت شابتر بحاله من المادة اللي متتسماش دي
😆
يا ابن الايه يا لذينه صح .. كويس انك فكرتني بيهم
😆
ربنا معااااك ومعانا
ربنا معانا كلنا يااارب
نورتي
🙂
woo , nice to hear about these good news , KEEP it UP ahlawy
and kiss microsoft for me 😛
شكرا يا سلطان .. بس انت عارف موقفي من ميكروسوفت
عمرها ما هتعمر معايا
😆
نورت يا صاحبي