السلام عليكم ورحمة الله وبركاته
ازيكم يا بشر
🙂
بقالي كتير مكتبتش والتراب رجع تاني ملى الدنيا
😀
الفترة اللي فاتت بقى حصل حاجات كتير
يوم ما عرفت النتيجة وعرفت اني خلاص نجحت واتخرجت , وسافرت يومها على اسكندرية – مطروح
وقضينا احلى 4 ايام مع اصحابي – خطفناهم من العمر بصراحة
🙂
…
واحلى يوم كان اليوم اللي رجعت فيه
اتعرفت على ناس كويسة – وكان كله تمام بصراحة
🙂
بعدين رجعنا للهم تاني واوراق الجيش والغلب
وفيشنا وقدمنا وخلصنا .. مفاضلش غير اني اجيب الشهادة المؤقتة من الكلية
واروح يوم اﻻتنين الجاي منطقة التجنيد في سندوب علشان الكشف الطبي
يوم 16 – 8 – 2010
ادعولي بقى
🙂
…
بمناسبة موضوع الدعوة ده
الفترة اللي فاتت كنت حاسس اني معنديش امل في اي حاجة وﻻ عندي اي بتنجان في حياتي
ببساطة خالص كده
كان عندي حالة من اللامبالاة .. حالة بلاهة كده من كل حاجة
تقريبا بالظبط كانوا ال 3 ايام بتوع ال
EED
يعني الناس كلها كانت رايحة وبتشوف شغلها , وانا كنت قاعد في اوضتي محدش يعرف عني حاجة
وانا مكنتش ساعتها اعرف عن نفسي حاجة غير اني قاعد قدام اللاب وبس
!!
حالتي كان ميئوس منها بصراحة
ومنه لله اللي كان السبب
لحد اما نزلت اسكندرية وقابلت ناس مهمة وبعدين قابلت صحابي وقعدنا مع بعض
…
مالك يبني في ايه ؟
..
مفيش .. محبط شوية
..
ليه يبني .. هو انت لسه ؟
..
ﻻ مش كده .. ببساطة خالص من يومين شخصية مهمة وبحترمها جداا
كنا بنتكلم عن اﻻهداف بتاعتي وانا عايز ايه وعايز اعمل ايه وكده ؟
واكتشفت اني مش عارف انا عايز ايه اصلا ؟
اكتشفت ان اﻻهداف اختفت ومش فاكر منها حاجة
الشغل والسرعة والجري بتاع زمان والكلام دا كله معدلوش ﻻزمة دلوقتي
!!
ومعدش في حاجة اتعب نفسي علشانها
مفيش اهداف قدامي , واي حاجة تيجي انا راضي بيها
ولو دخلت ظابط في الجيش هبقى فرحان
على اﻻقل , هبقى عارف ال 3 سنين الجايين في حياتي هعمل فيهم ايه ؟؟
..
يادي النيلة !! .. بص يبني
….
كلام مينفعش يتقال !! بس انا فاكره كله
والحمد لله .. الكلام ده اثر فيا وانا دلوقتي احسن شوية الحمد لله
🙂
اتضحلي ان دي فترة احباط عامة بيمر بيها كل اللي عندهم جيش دفعة اولى
بس عادي
ان شاء الله هتتعدل وهتبقى فل .. وحاسس ان في خير كبير جاي
ﻻنها ضاقت بيا اوووووي
ودايما لما بتضيق , بتفرج — ولما حاجة بتروح بيجي اللي احسن منها
ان شاء الله
🙂 🙂
الدعوة بقى اللي نفسي تدعوهالي وانتوا صايمين
ان ربنا يكتبلي اللي فيه الخير – ويرضيني بيه
يااااارب
🙂
…….
اخر حاجة بقى
كل سنة و كل الناس وكل اﻻمة اﻻسلامية طيبة وبخير
بمناسبة حلول شهر رمضان الكريم
🙂
وربنا يقويكم على الصيام في عز الحر اللي عايشين فيه ده
🙂
…
…
دي حملة على الفيس بوك .. ياريت كلنا نغير الصورة بتاعت البروفايل
🙂
…
ودي مواعيد شوية برامج علشان تتابعوها في رمضان
ان شاء الله
…
رحلة للسعادة — اﻻستاذ عمرو خالد
…
🙂
…..
مدرسة الحب — مصطفى حسني
إن شاء الله يُذاع برنامج مدرسة الحب يوميا في رمضان على قناة اقرأ – على الهواء مباشرة الساعة 10:20 مساء بتوقيت القاهرة- 11:20 بتوقيت مكة المكرمة
..
…
🙂
….
خواطر — احمد الشقيري
هيبقى جاااااااااامد جدااا السنة دي
وانا متوقعله نجاح باهر جداا
🙂
للاسف مش عارف معاده امتى .. ياريت اللي يعرف يبلغني بيه
🙂
رمضان كريم
وكــل ســـــنة وانــــتــــم طيـبـيــن
🙂
كل سنة وانت طيب يا حبيبي 🙂 رمضان كريم.
وانت طيب يا معلمي وان شاء الله السنة اللي جاية نكون واخد إعفاء , ونتغدى سوا عند الراجل اياه اللي جمب سان ستيفانوا
😀
رمضان كريم يا صاحبي
🙂
كل سنه وانت طيب ياسوويتي ورمضان كريم علينا كلنا 😀
وانت طيب يا احمد
🙂
شكرااا
😀
kol sana w 7adrtk w el moslmeen b 5eer 🙂
وحضرتك طيبة
رمضان كريم
🙂
بقالي فترة ماقريتلكش موضوع لآخره xD
كل عام وانت بخير يا صاحبي 🙂
ربنا يوفقك للي فيه الخير 🙂
هههههههههههههههه
شكرا يا عبدالله
وانت دايما بخير يا صاحبي
😀
ربنا يوفقنا كلنا لكل خير ان شاء الله
🙂
سؤال بس .. لازم يعني ترفع الصورة بالحجم الأصلي بتاعها؟ xD
اصلي بضحك ضحكة صفرة في الصورة 😀
عادي يا ريس والله دي زي الفل وعسل
🙂
دا حتى في واحد شبهك هنا في الصورة
😀
لو عايزني اشيلها قول
🙂
هو خواطر ببيجي كل يوم قبل الفطار بن ساعه علي ام بي سي
معاده 5 وربع تقريبا
شكرا يا مهاب
🙂
كل سنة وانت طيب
وع فكرة انا بيتهيالى ان خواطر 5 كان احلى لان بتقارن بينا وبين دولة عظيمة ف انتاجها وطبعا الفرق كان واضح جداااااا وانا والله كنت ع قد مااقدر كنت انا واخويا الصغير بنحاول نعمل زيهم
وانتي طيبة ورمضان كريم
🙂
على فكرة حلقة النهاردة في خواطر 6 اثبتت اننا عندنا احسن من بره
حلقة جامدة جداا
🙂
وبكل المقاييس طبعا اليابان دولة متقدمة جداا
وفي كل الاحوال لازم نتعلم منهم الحاجات الكويسة
🙂
شكرا على مرورك
🙂