السلام عليكم ورحمة الله وبركاته
..
وكعادة كل عيد .. لازم ادخل اقول كل سنة وانتوا طيبين
وربنا يجعل ايامكم كلها اعياد , وفرح وسعادة
وان شاء الله ربنا يتقبل منا ومنكم الصيام والقيام وصالح الاعمال
🙂
…
العيد ده بقى , قصدي اللي بيبقى بعد رمضان ده , عيد الفطر يعني , اللي هو اول ايام شهر شوال
” يا عم خلص والله عارفينه “
😆
بيبقى فيه عندي انا بقى مناسبة تانية غير العيد , وانا كنت واخد على نفسي وعد اني هفضل طوول عمري ولحد اما اموت
اني احتفل بالمناسبة دي
حتى لو لوحدي
!!
المناسبة دي هيا عيد ميلاد حد .. اصل اول مرة احتفلت معاه بعيد ميلاده كان اول يوم في عيد الفطر
فانا اخدت من يومها عهد على نفسي
ان كل الناس هتحتفل بيعد ميلاده في يوم , وانا لوحدي هبقى في يوم
🙂
..
كــل سنـة وانـت طيـب .. وعقبال مليووون سنة
وعقبال اما اشوفك في الكوشة كده .. ومعاك النص التاني اللي تحبه ويحبك
وانا لسه عند وعدي : انك لو عزمتني والله لأحضر وهرقصلك لحد الصبح ان شاء الله – دا اذا كنت انا هبقى هنا في مصر
ربنا يوفقك
🙂
….
اه صحيح .. انا نويت وبمناسبة اني بحتفل بالحاجات دي كلها اني قررت
اني هخطب -ان شاء الله- يوم 12 – 12 – 2012
بس لسه مش عارف مين اللي امها هتبقى داعية عليها وتوقع في واحد زيي
😆
يالا ادينا بنحلم … هيا الاحلام بفلوس !! .. محدش خسران حاجة لما يحلم
🙂
المهم … انا قولت احجز اليوم ده علشان لو حد فكر ياخده ولا حاجة
اللي عايز يحجز يقول من بدري , انا كنت حاجز
10 – 10 – 2010
بس خلاص مفيش نصيب بقى , انا متنازل عنه , انا حجزت مع كأس افريقيا اللي جاية
😆
يالا كل سنة وانتوا طيبين ويارب يحقق لكل واحد فينا اللي في باله
وكــل سنـــة وانتـــم طيـبـيـن
🙂
3eed sa3ed 3alek ya pompoooo
ana 7agez 11-11-2011 😀
عيد سعيد علينا جميعا يا ميتو بيه
🙂
وماله يا ريس
متنساش تعزمني بقى
😀
كل سنة وانت طيب 🙂
وانت طيب يا صاحبي
وعيد سعيد عليك ان شاء الله
🙂
كل سنة وأنت طيب
ويا رب تفرح فى العيد
وربنا يجعل كل أيامك سعادة
بإذن الله
🙂
وانتي طيبة يا myfate
🙂
انا فعلا فرحت في العيد الحمد لله .. ولسه الفرحة الكبيرة يوم اﻻحد ان شاء الله
🙂
الف شكر على الدعوات الحلوة دي
نورتي
😀
كل سنه ونت طيب يا اسلام ودايما بخير وسعاده 🙂
وانت طيب يا ابو السلاطين
وربنا يجعل ايامك كلها سعادة يا صاحبي
🙂
كل سنة وانت طيب (:
ومبروووووك مقدما ع الخطوبه 😀
وانتي طيبة وان شاء الله يكون عيد سعيد
🙂
الله يبارك فيكي مقدما برضه
😀
عقبال اما نلاقي كلنا ولاد وبنات الحلال ياارب
😀
مبروووووووووووووووووووووووووووووووووووووووووووك يا بومبووووووووووووو
دانت كدا اشطا اوي عقبال الباقي بقي يخطب 😀
وعيد زي الفل عليك ان شاء الله
قصدي عقبال ما تلاقي العروسه 😀
الحمد لله كان عيد قشطة بصراحة
🙂
وياارب يوقعني في بنت الحلال
😀