السلا م عليكم ورحمة الله وبركاته
اولا: وقبل ما ادخل في الموضوع .. انا عارف اني بطلت اكتب من زماان
بس والله مشاغل
النهاردة بقى كان يوم تاريخي يا فندم
🙂
اليوم 19 مارس 2011
هو عيد الحرية الحقيقي لكل المصريين
…
…
النهاردة كان اول استفتاء شعبي بعد ثورة 25 يناير على التعديلات الدستورية المقترحة
سيبوكوا من التعديلات ومن اللي قال نعم واللي قال لا
وعلى فكرة نعم ولا الاتنين انا بحترمهم جداا
اهم حاجة ان كله نزل يشارك ودا المطلوب
والمطلوب كمان: ان محدش يفرط في حريته بعد كدا
🙂
….
دي شوية صور انا اخدتها اثناء طابور الاستفتاء – طابور الحرية – اللي تعرفت فيه على ناس كتيرة جداا ومن جميع طبقات الشعب
وكان اسعد طابور في حياتي
😀
مع اني وقفت فيه من الساعة 10 الصبح لحد الساعة 2 الا ربع تقريبا
بس مش مشكلة كله يهون علشان خاطرك يا مصر
🙂
…
الصور دي من مدرسة محمد رفعت الابتدائية
الحي السابع – مدينة نصر
…
…
……
..
وطبعا في النهاية
الشعب والجيش والشرطة …. ايــد واحدة
..
..
….
على فكرة
صورة الصباع من صفحة صباع الحرية على الفيس بوك
🙂
كل استفتاء وانتوا طيبين
وعيد حرية سعيد
يا اهلاوي يا جامد
بس الشرطه عنيهم هتطلع علي العسكري بتاع الجيش بيقولك اشمعن احنا
لا بس العسكري دا زي العسل والله
من السنبلاوين – المنصورة
😆
انا مبسوطة ان لاقيت البوست دا
وانا اول مرة ف حياتى اروح استفتاء او اعمل اى حاجة
الحمد لله فعلا كلة يهون علشان خاطر مصر
اي خدمة
😉
انا والله بفرح لما بلاقي حد لسه متابع البلوج دا والله
يا عيني عليه كله بقى مليان تراب وحالته بقت وحشة خالص
😀
فييين ايام زمان
😆
يالا .. ما علينا مبرووك علينا مصر ومبروك عليكي الحرية
🙂
انا والله بفتحة كل يوم نفسى اتعلم منة واعمل واحد زية
ومبروك علينا الحرية كلنا
دا ساهل جداا على فكرة
بس انتي اعملي واحد وانتي هتلاقي الدنيا سهلة خاالص
🙂
حاولت بس ………………….كالعادة
عادى عادى
وايه يعني ؟؟
حاولي تاني .. ولو في اي مساعدة اقدر اقدمها انا تحت امرك
🙂
انا يابشمهندس ببقى محتاجة اسال حضرتك بس حضرتك مبتدخلش كل يوم ومبعرفش اوصلك
you can ask any thing here
elahlawy.fci[at]gmail[dot]com
welcome any time 🙂
ok thank u