..
رابط ذهني عجيب بيجيلي مع
اغنية الفنانة اصالة: اكتر من اللي انا بحلم بيه
اللي نزلت سنة 2006
وبين
الجامعة
!!
ازااااااااااااي ؟؟
اقولكوا انا
سنة 2006 كانت اول سنة ليا في الكلية
وايامها كانت الموبايلات النوكيا ام كاميرا وصوت عالي لسه نازلة ومغرقة السوق
والطلبة طالعين من ثانوي وفرحانيين بقى بالموبايلات الجديدة
🙂
ايامها كان معايا اي بود 3310
😆
اول يوم في الجامعة ، ومش فاكر اليوم بالظبط بس هو كان زي اليومين دول كدا
ومش عارف اذا كانت صدفة وﻻ ﻻ ان الطلبه كلهم حاطيين نفس اﻻغنية -بتاعت اصالة- على الموبايلات بتاعتهم
بس انا فعلا سمعت الأغنية دي بترن على موبايلاتهم طول اليوم
من ساعة اما دخلت من بوابة الجامعة – مرورا بأول محاضرة ليا في التاريخ – ولحد اما ركبت وروحت
!!
ذكريات اول يوم في الجامعة ، والرابط الذهني العجيب اللي هفضل متذكره طوول حياتي
على فكرة انا ايامها كنت بسمع اصالة ساعات يعني ، بس في اليوم دا زهقت من اﻻغنية دي ومن اصالة ومن الموبايلات اللي بكاميرا
😀
…
طب ايه اللي فكرك بالموضوع دا ؟ .. اني كنت في الجامعة النهاردة وسمعت اﻻغنية بتاعت اصالة دي امبارح في سوبر ماركت كدا
كانوا مشغلينها على التليفزيون وانبي بيحتفل بفوزه على الزمالك
😆
سيدى يسيدى
تعيش وتفتكر يا جميل وفعلا كانت أيام حلوة والواحد مفتقدها
وأصاله كانت معايا امبارح وبتسلم عليك على فكرة 😀
ههههههههههههه
مش عايز يا عم افتكر .. انا مش عارف انت مفتقدها ليه ؟؟
سلملي عليها كتييير
😀 😀