مش عارف ابدأ منين ولا ازاي
مش عارف انا عادة تقريبا مش بفتكر تواريخ .. بس في حاجات مهما عدى عليها زمن عمري ما انساها
زي مثلا
يوم ١٩ ابريل ٢٠١١
يعني من ٣ سنين
كانت بداية انطلاق موقعي
esl4m.com
كل سنة و البلوج بخير
🙂
🙂
…
يوم ٢٠ نوفمبر ٢٠١١
المكان – ميدان التحرير
ش محمد محمود
ليله من اسود الليالي اللي شوفتها في حياتي
ايه اللي وداك هناك ؟ … للأسف لو انت سألت السؤال دا اسمحلي اني مردش عليك علشان ردي مش هيعجبك
…
..
يوم ٢٥ نوفمبر ٢٠١٢
المكان – مطار القاهرة الدولي
مسافر .. معايا جواز سفر وتأشيره وشطنه هدوم بحجم اكبر شويتين من الشنط المعتاده اللي كنت بشيلها من سنه ٢٠٠٦ (اول سنه ليا في الكلية) الى اخر اسبوع ليا في القاهرة وفي شغلي القديم ف وزارة التنمية الإدارية
مسافر ب عقد عمل مدته ٣ سنين في السعودية
ونظرات الوداع من اصحابي واهلي – وكمية احاسيس مختلفه جوايا
انا بعت الثورة .. لا خونتها كمان .. لا انا مسافر ابني نفسي علشان ابني اسره وبيت ومجتمع قوي يساهم في بناء وطن
“مشروع بناء انسان”
مهو البني ادم في بلدنا ملوش قيمة
مهو احنا حاولنا كتير لكن منفعش! في امل؟ يمكن بس مش نافع حاجه دلوقتي
خايف ومتحمس في نفس الوقت اصلها تجربة جديدة جدا ، ومرعوب على اهلي لو حصلهم حاجه واصحاب عمري اللي سايبهم والله اعلم هنتقابل تاني ولا لا
حسيت للحظة اني عايز اعيط ، مع اني فضلت ماسك نفسي الاسبوع اللي قبل السفر دا بالعافية بس اليوم دا مقدرتش امسك نفسي
كمية حاجات وصيت بيها اصحابي ، وانا عارف انهم رجاله وقد المسئولية
…
يوم ١٩ ابريل ٢٠٠٨
يوم مش عارف انساه لحد دلوقتي
…
..
Passenger – Let Her Go
Leave a Reply